20.000 PRESONAS NAS CAIS DE LA CIUDÁ DE LLIÓN POLA AUTONOMÍA’L PAÍS LLÏONÉS

Nel pasáu mes d’abril 20.000 presonas manifestáronse nas cais de la Ciudá de Llión pol drechu d’autonomía del País Llïonés, ye dicir, las provincias de Zamora, Llión y Salamanca.

La manifestación fó convocada pol coleutivu “Ciudadanos del Reinu de Llión” ya sofitada polos partíos políticos Unión del Pueblo Leonés (UPL), Partido Regionalista del País Leonés (PREPAL) y Partíu Carlista’l Reinu de Llión (PC). Y ahí tuvimos los carlistas glayandu pol autogobiernu llïonés xuntu a miles de paisanos que naguan porque la nuesa tierra tenga un futuru, magar que dende partíos comu’l PP llámesenos ‘cavernarios’ pol mazcayu fechu de sintinos del nuesu pueblu. La llucha del pueblu llïonés por algamar un futuru sigue anguañu, cavez con más fuercia, y ahí siguiremos los carlistas llïoneses col nuesu pueblu ya’l sou drechu a la soberanía.

La manifestación entamó na Plaza de Guzmán el Buenu, a las 12 de la mañana del 22 d’abril y a ella acudió enforma de xente de la provincia’l norte, asína comu xente vinía n’autobuses ya coches de las provincias de Zamora y Salamanca, asín comu llïoneses emigraos. Foi un ésitu rotundu y, nidiamente, un glayiu del pueblu llïonés a siguir vivu.

Agora hai de-ys entrugar a PP y PSOE una cosina: ¿Por qué si falan tantu de democracia nun mos dan la pallabra a los llïoneses? ¿Esa ye la vuesa democracia? La conclusión que’hai de sacar ye que una cosa ta perclara: cuandu haiga un mínimu de democracia nesti país el País Llïonés tendrá autonomía. Fasta qu’esi día llegue tendremos entovía de trabayar munchu pa algamalu, peru lu algamaremus.